Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 171 Hüküm no: 270 Orijinal metin no: [46b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tepeören köyü imamı Yusuf Efendi’nin Yağcı Sava ve Stefan’a olan borcunu ödemesi Ma‘rûz, Üsküdar’da Selâmi mahallesinde yağcı tâifesinden Sava ve İstefan nâm zimmîler hasımları olup meclis-i şer‘a ihzâr eyledikleri Tepeören karyesi imâmı Yusuf Efendi ile mürâfa‘a-i şer‘-i şerîf olduklarında mezbûr Yusuf Efendi’ye târih-i i‘lâmdan altı ay mukaddem ikrâz ve teslîm, ol dahi yedimizden iktirâz ve tesellüm ve kabz ve mesârifine sarfla istihlâk eylediği otuz iki guruş hakkımızı taleb ederiz deyü ba‘de’d-da‘vâ mezbûr İmâm Yusuf Efendi fi’l-hakīka cihet-i mezkûreden otuz iki guruş mesfûrân zimmîler zimmetinde lâzımü’l-edâ ve vâcibü’l-kazâ deyni olduğunu tâyi‘an ikrâr ve i‘tirâf etmeğin mûcebince meblağ-ı merkūmu mezbûrâna edâ ve teslîme mezbûr Yusuf Efendi’ye tenbîh olunduğu bi’l-iltimâs huzûr-ı âlîlerine i‘lâm olundu. Fî 10 Saferü’l-hayr sene 1155