Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 172 Hüküm no: 273 Orijinal metin no: [47a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kadıköy’de Ali Efendi ile Süleyman Efendi arasındaki bina inşası davasında anlaşma sağlandığı Ma‘rûz, Vârid olan fermân-ı âlîlerine imtisâlen taraf-ı şer‘den irsâl olunan Ahmed Efendi dâ‘îleri Abdülbaki Çavuş kulları mübâşereti ve mi‘mâr ağa tarafından Halil Halîfe ve Yakub Halîfe ve sâir müseccelü’l-esâmî Müslimîn ile arzuhâlde mezkûr olduğu vech üzere Üsküdar’a tâbi‘ Kādı karyesinde vâki‘ mahâll-i nizâ‘ın üzerine varıp ba‘de akdi’l-meclis derûn-ı arzuhâlde ismi mastûr Ali Efendi meclis-i mezkûrda sahib-i arzuhâl Süleyman Efendi muvâcehesinde hâlâ binâ olunmuş arşun duvardan mezbûr Ali Efendi tûlen dört zirâ‘ mahâllini hedm ve atîk duvarın üst başı yarım zirâ‘ alt başı Bayrakdâr menzili sınır-ı meyhâne[ye] varınca vaz‘-ı kadîmi üzere binâ eylemek üzere meclis-i mezkûrda ta‘ahhüd ve bu vechile her biri râzı olup kat‘-ı nizâ‘ ve fasl-ı husûmet ettiklerini merkūm dâ‘îleri mahâllinde tahrîr, ba‘dehû ümenâ-i şer‘le gelip alâ-vukū‘ihî inhâ eylediği mübâşir-i merkūm iltimâsıyla huzûr-ı âlîlerine i‘lâm olundu. Fî 14 Saferü’l-hayr sene 1155