Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 172 Hüküm no: 274 Orijinal metin no: [47a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyfi’nin iddia ettiği gibi İbrahim’den alacağının olmadığı Ma‘rûz, Derûn-ı arzuhâlde ismi mezkûr Seyfi nâm kimesne hasmı sahib-i arzuhâl el-Hâc İbrahim ile Dîvân-ı âlîlerinde ma‘kūd meclis-i şer‘de mürâfa‘a-i şer‘ oldukta mezbûr el-Hâc İbrahim târih-i i‘lâmdan yirmi sene mukaddem eşyâ-i mütenevi‘a-i ma‘lûmemden kırk guruş kıymetli bir oda pûşîdesi ve cihet-i karzdan yüz guruş ki cem‘an yüz kırk guruş hakkım olup hatta bir sene mukaddem meblağ-ı merkūmu bana deyni olduğunu mezbûr el-Hâc İbrahim şuhûd mahzarında ikrâr dahi etmişidi deyü ba‘de’d-da‘vâ ve’l-inkâr müdde‘î-i mezbûr Seyfi müdde‘âsını beyândan izhâr-ı acz ile istihlâf etmeğin talebiyle mezbûr el-Hâc İbrahim tahlîf-i şer‘î ile tahlîf olunup müdde‘î-i merkūm Seyfi bilâ-beyyine bî-vech mu‘ârazadan men‘ olunduğu mübâşir Yusuf Çavuş kulları iltimâsıyla huzûr-ı âlîlerine i‘lâm olundu. Fî 13 Saferü’l-hayr sene 1155