Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 173 Hüküm no: 276 Orijinal metin no: [47b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Duvarcı Manol ile Mehmed Mehdi arasındaki alacak davası Ma‘rûz Duvarcı tâifesinden Manol hasmı Mehmed Mehdi nâm kimesne ile ba‘de’t-terâfu‘ mezbûrun zimmetinde duvarcı ücretinden elli üç guruş hakkımın otuz guruşunu mukaddemâ ahz ve kabz edip yirmi altı guruşum bâkī kaldıkdan sonra meblağ-ı bâkī-i mezbûrdan altı guruşun kabz edip on yedi guruşum kalmışdır deyü da‘vâ etdikde mezbûr Mehmed Mehdi cevâbında bana binâ eylediği duvarı kalb binâ etmekle mi‘mâr ağa ma‘rifetiyle keşfetdirmek esnâsında iken beynimize muslihûn tavassutuyla meblağ-ı bâkī-i mezkûr yirmi üç guruşa altı guruş bedel-i makbûza sulh olup müdde‘âsı olan meblağ-ı mezkûr on yedi guruş mutâlebesinden benim zimmetimi ibrâ’ ve ıskāt eylemişdir deyü ba‘de-t-terâfu‘ ve’l-ikrâr mûcibince müddeî‘i mezbûr Manol husûs-ı merkūm için bî-vech mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 22 Safer sene 1155