Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 174 Hüküm no: 279 Orijinal metin no: [48a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bandırma’ya sürülen Seyyid Ahmet’in ailesinin sefil bir halde olduğu Ma‘rûz Sâdır olan fermân-ı âlîlerine imtisâlen derkenârda olan es-Seyyid Ahmed otuz seneden mütecâviz Üsküdar’da Hasan Ağa mahallesinde sâkin olup ilm-i şerîf ile meşgūl ve kendi hâlinde iken iki sene mukaddem rikâb-ı hümâyûna bir fodula ekmeği husûsu için arzuhâl etmekle Bandırma’da ikāmet eylemek üzere sâdır olan fermân-ı âlî mûcibince Bandırma’ya nefy ve iclâ olunup ıyâl ve evlâdları mahalle-i mezbûrede sâkin olup zelîl ve sefîl olduğunu müseccelü’l-esâmî yirmi altı nefer bî-garaz Müslimîn ihbâr etdikleri ba‘de’t-tescîl vâki‘ hâl ber-mûceb-i fermân-ı âlî huzûr-ı âlîlerine i‘lâm olundu. Fî 29 Saferü’l-hayr sene 1155