Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 177 Hüküm no: 284 Orijinal metin no: [48b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Havva’nın eski kocası Halil’i mehrinden dolayı ibra ettiği Ma‘rûz Üsküdar’da sâkine sahibe-i arzuhâl Havva zevc-i sâbıkı Halil ile mürâfa‘a-i şer‘-i şerîf olduklarında mezbûre Havva târih-i i‘lâmdan bir sene mukaddem zevc-i mezbûrun zimmetinde olan on iki guruş mehr-i müeccelinin iki guruşunu ahz u kabz bâkī on guruş mehrini ve gayra müte‘allika âmme-i da‘vâdan zevci mezbûrun zimmetini ibrâ’ ve ıskāt eylediği udûlden Mustafa b. Ahmed ve Mehmed b. Ahmed nâm kimesneler şehâdetleriyle mezbûrenin muvâcehesinde vech-i şer‘î üzere sâbit olmağın mezbûre Havva bî-vech mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 8 Rebî‘ülevvel sene 1155