Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 178 Hüküm no: 288 Orijinal metin no: [49a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yanında emanet olarak bulunan kılıç ve piştovları kaybeden Ahmed’in herhangi bir sorumluluğu olmadığı Ma‘rûz Kastamonu ahâlîsinden olup hâlâ İstanbul’da müsâfiren sâkin Mehmed Ağa ve diğer Mehmed dahi kendi tarafından asâleten ve Kara Ahmed nâm kimesne tarafından vekâleten Üsküdar’da hancı tâifesinden el-Hâc Ahmed ile mürâfa‘a-i şer‘-i şerîf olduklarında mezbûr Mehmed Ağa’nın emlâkinden bir çift piştov ve bir horasanî kılıç ve mezbûr diğer Mehmed’in bir taban demiri kılıcı ve müvekkil-i mezbûr Kara Ahmed’in dahi bir çift piştovu mezbûr el-Hâc Ahmed’in yedinde vedî‘a olmağla odasında hıfz üzere iken bilâ-te‘addî zâyi‘ ve helâk olup mezbûr el-Hâc Ahmed’in üzerine damân lâzım gelmediği ba‘de’t-tahlîfi’ş-şer‘î nümâyân olmağın müdde‘iyûn-ı mezbûrûn bî-vech muârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 17 Rebî‘ülevvel sene 1155