Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 181 Hüküm no: 294 Orijinal metin no: [50a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mahrem olmadıkları halde bir arada yakalanın kadın ve erkeklerin cezalandırılması Ma‘rûz Üsküdar’da mahalle-i cedîd subaşı Hüseyin kulları meclis-i şer‘a ihzâr eylediği Emir Ahmed ve Küçük Ahmed ve diğer Ahmed nâm kimesneler ile Âmine ve Âişe ve diğer Âmine nâm avratlar muvâcehelerinde târih-i i‘lâmdan bir gün mukaddem gece ile Üsküdar’da Reis mahallesinde Derviş Mehmed nâm kimesnenin menzilinde mezbûrûn birbirlerine nâ-mahrem olup fesâd eyledikleri mahalle-i mezbûre imâmı ve ahâlîsi ihbâr ve iltimâslarıyla menzil-i mezbûra varılıp fi’l-hakīka mezbûrûnu bu meclisde mekşûfetü’l-vech ahz eyledik deyü takrîr ve merkūmûn dahi istintâk olunduklarında fi’l-vâki‘ biri birlerine nâ-mahrem olup bir mahâlde ahz olunduklarını ikrâr etmeleriyle taraf-ı devletlerinden ta‘zîr ve tedîb için mezbûrûn huzûr-ı âlîlerine i‘lâm ve irsâl olundu. Fî 25 Rebî‘ülevvel sene 1155