Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 182 Hüküm no: 295 Orijinal metin no: [50a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kalos’un, ölen babasına borcu olduğunu ispat edemeyen Haçador’un iddiasından men edildiği Ma‘rûz Derûn-ı arzuhâlde mastûrü’l-ism olup mukaddemâ hâlik olan Kalok nâm zimmînin oğlu ve hasren vârisi olan Haçador nâm zimmî sahib-i arzuhâlde Kalos nâm zimmî ile huzûr-ı âlîlerinde akd olunan meclis-i şer‘de mürâfa‘a olduklarında merkūm Haçador babam hâlik-i merkūm hâl-i hayatında arzuhâlde zikrolunan altmış guruşdan mâ‘adâ merkūm Kalos’a yüz kırk guruş dahi ikrâz edip hatta zevcesi Anna nâm Nasrâniye kefîl dahi olmuş idi deyü eylediği da‘vâsını beyân için bi’d-defe‘ât imhâl olundukda bir vechile isbâta kādir olmamağla bi’t-taleb mesfûr zevcân-ı mezbûrân tahlîf olunup merkūm Haçador bilâ-beyyine bî-vech mu‘ârazadan men‘ olunduğu huzûr-ı âlîlerine i‘lâm olundu. Fî 26 Rebî‘ülevvel sene 1155