Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 183 Hüküm no: 297 Orijinal metin no: [50b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hatice’nin Zeynep Hatun’a olan borcunu ödemesi Ma‘rûz Üsküdar’da Hâce Hatun mahallesinde sâkin iken mukaddemâ vefât eden Abdülbaki Efendi’nin evlâd-ı sıgārının anaları vasiyye-i mansûbeleri Zeyneb nâm Hatunun vekîl-i sâbitü’l-vekâlesi Ahmed Çelebi zâtı vech-i şer‘î üzere mu‘arrefe olan Hatice nâm hatun ile mürâfa‘a-i şer‘-i şerîf olduklarında vasiyye-i mezbûre ber-mûceb-i hüccet-i istiğlâl mezbûre Hatice’ye idâne ve teslîm eylediği yüz yirmi beş guruş asl-ı mâl ve bin yüz elli senesinin bir senelik menzil icâresi olan on beş guruş ki cem‘an yüz kırk guruşun yüz yirmi beş guruşunu ahz u kabz edip bâkī on beş guruş mezbûre Hatice’nin zimmetinde kaldığı ikrârıyla sâbit olmağın meblağ-ı merkūm on beş guruşu vekîl-i mezbûra edâya mezbûre Hatice’ye tenbîh-i şer‘î olunduğu bi’l-iltimâs huzûr-ı âlîlerine i‘lâm olundu. Fî 19 Rebî‘ülevvel sene 1155