Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 184 Hüküm no: 300 Orijinal metin no: [50b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe’nin, vefat eden kocasının kızkardeşi Ayşe ile tereke davasında sulh olduğu Ma‘rûz Sahibe-i arzuhâl Âişe zevci olup mukaddemâ vefât eden Mustafa’nın li-ümmin karındaşı olup arzuhâlde mastûretü’l-ism olan diğer Âişe ile arzuhâlde münderic olan da‘vâsından bâ-vesâtet-i muslihûn yirmi guruş üzerine sulh ve bedel-i sulh-i merkūmu ahz u kabz edip zevci mezbûrun cemî‘ terekesinden kendüye isâbet eden hisse-i irsiyesine ve mehr-i müecceline ve kendi mâlından olmak üzere iddi‘â eylediği meblağa müte‘allika âmme-i da‘vâdan mezbûre diğer Âişe’nin zimmetini ibrâ’ ve ıskāt eylediği tarafeynin rızâlarıyla Üsküdar mahkemesinde tescîl olunup bu vechile kat‘-ı nizâ‘ eyledikleri çavuş kulları iltimâsıyla huzûr-ı âlîlerine i‘lâm olundu. Fî 3 Rebî‘ülâhir sene 1155