Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 188 Hüküm no: 312 Orijinal metin no: [52a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kalos ve karısı Anna ile Manos ve Haçador arasındaki anlaşmazlıkta sulh olunduğu Ma‘rûz Sahib-i arzuhâl Kalos zimmî asâleten ve zevcesi Anna nâm Nasrâniye tarafından vekîl-i sâbitü’l-vekâlesi Serkiz nâm zimmî hasımları Manas ve Haçador ile arzuhâlde zikrolunan sıkt? da‘vâsından bâ-vesâtet-i Müslimîn otuz guruş üç rub‘ üzerine sulh ve kabz-ı bedel edip husûs-ı mezbûra müte‘allika âmme-i da‘vâdan mezbûrânın zimmetlerini her biri asâleten ve vekâleten ibrâ’ ve ıskāt edip mezbûrân Manas ve Haçador dahi bedel-i sulh olmak üzere medfû‘ları olan meblağ-ı merkūmdan merkūm Kalos zimmî ile müvekkile-i mesfûre Anna’nın zimmetlerini ibrâ’ ve ıskāt etmeleriyle bu vechile kat‘-ı nizâ‘ eyledikleri mübâşir kulları iltimâsıyla huzûr-ı âlîlerine i‘lâm olundu. Fî 11 Rebî‘ülâhir sene 1155