Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 189 Hüküm no: 314 Orijinal metin no: [52b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sütçü esnafı kethudası Osman’ın görevini yerine getirmediği Ma‘rûz Sahib-i arzuhâl Ali hâmiş-i arzuhâlde mastûrü’l-ism olan Osman ile mürâfa‘a olunduklarında mezbûr Ali bundan akdem südcü esnâfının teşekkîleri üzere san‘at-ı merkūmede mutlaka alâkası olmayıp esnâf-ı merkūmenin her birini celb-i mâl ve tecrîm sevdâsıyla ta‘cîz etmekle kethudâlıkdan ref‘ olunmasını iltimâs eylediklerinde mezbûr Ali dahi san‘at-ı mezbûrede alâkası olmadığını i‘tirâf etmeğin mezbûrun ref‘inden cümlenin muhtârı mezbûr Osman’a tevcîh olunmak ricâsıyla i‘lâm olundukda Ali’nin hazîne-mânde eylediği on beş akçesini vermek şartıyla tevcîh olundukda mezbûr Osman yedine berat-ı şerîf etdirmeyip kethudâlık umûruna kat‘â müdâhale etmediğini esnâf-ı mezbûreden müseccelü’l-esâmî kimesneler haber verdikleri huzûr-ı âlîlerine i‘lâm olundu. Fî 13 Rebî‘ülâhir sene 1155