Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 194 Hüküm no: 325 Orijinal metin no: [54b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Küçük Sâliha’nın nafakası Ma‘rûz Sahib-i arzuhâl Mahmud’un zevce-i mutallakası Havva’nın arzuhâlde mezkûru’l-ism karındaşı Mehmed ile ba‘de’l-mürâfa‘a müvekkilesi mezbûrenin bi-hakkı’l-hıdâne terbiyesinde olan yedi yaşında olan Sâliha nâm sagīrenin nafaka-i mefrûzasından müctemi‘ olan kırk beş guruş taleb eyledikde mezbûr Mahmud (…) mezbûre Havva’nın babası müteveffâ İbrahim ile târih-i i‘lâmdan on sekiz ay mukaddem (…) dörder akçe nafaka-i mefrûzadan müctemi‘ olan meblağı ba‘de’l-hesâb sekiz guruşu dahi verip hıdâne sâkıt olunca kendi mâlından infâk etmek üzere mezbûr Mahmud’un zimmetini ibrâ eylediklerini şuhûd-ı udûl ile isbât, ba‘de’l-yevm hıdâne sâkıt olunca sagīre-i mezbûre anası yanında iskân anlar dahi nafaka taleb etmemeğe müdde‘î-i mezbûr Mehmed zâmin olup bu vechile kat‘-ı nizâ‘ eyledikleri Üsküdar’da ba‘de’t-tescîl bi’l-iltimâs huzûr-ı âlîlerine i‘lâm olundu. Fî 18 Rebî‘ülâhir sene 1155