Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 366 Hüküm no: 371 Orijinal metin no: [83b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Abdullah ile Mehmed Odabaşı’nın muhala‘a yoluyla boşandıkları Mahmiye-i İstanbul’da Müneccim Sadi Mahallesi’nde sâkine zâtı el-Hâc Abdullah Odabaşı b. Ali ve el-Hâc Yahya Odabaşı b. el-Hâc Abdi ta‘rîfleriyle mu‘arrefe olan Âişe bt. Abdullah nâm hatun meclis-i şer‘-i şerîf-i enverde zevc-i dâhili işbu râfi‘u’l-kitâb Mehmed Odabaşı b. Ömer mahzarında ikrâr ve takrîr-i kelâm edip mezbûr Mehmed Odabaşı zevcim olup beynimizde hüsn-i mu‘âşeretimiz olmamağla zimmetinde mütekarrir ve ma‘kūdun-aleyh iki bin dört yüz akçe mehr-i müeccelimin bin sekiz yüz akçesini bana def‘ ve teslîm ben dahi yedinden ahz u kabz eylediğimden sonra bâkī altı yüz akçe mehr-i müeccelim ve nafaka-i iddet-i mu‘ayyene-i ma‘lûmem üzerlerine ve meûnet-i süknâm dahi kendi üzerime olmak üzere mezbûr Mehmed Odabaşı ile muhâla‘a-i sahîha-i şer‘iyye ile muhâla‘a eylediğimde [84a] ol dahi hul‘-ı mezbûru ba‘de’l-kabûl hukūk-ı zevciyyete müte‘allika âmme-i da‘vâ ve kâffe-i mütâlebeden her birimiz âharın zimmetini ibrâ-i âmm-ı râfi‘u’l-hısâm ile ibrâ ve iskāt eyledik dedikde gıbbe’t-tasdîkı’ş-şer‘î mâ-hüve’l-vâki‘ bi’t-taleb ketb olundu. Hul‘. Fi’l-yevmi’r-râbi‘ aşer min-Şa‘bâni’l-mu‘azzam li-sene selâse ve erba‘în ve mi’e ve elf. Şuhûdü’l-hâl: Ali Efendi b. Hasan, Mumcu Ahmed Beşe, Ömer Odabaşı b. Ali.