Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 208 Hüküm no: 356 Orijinal metin no: [59a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Berber Mustafa firar ettiğinden ve Üsküdar’da Beytülmal Emini Ali’ye teslim edilen iki beygirinin satılmadığı Ma‘rûz, Arzuhâl sahiblerinin hasmı olup arzuhâlde mastûrü’l-ism olan Berber Mustafa Üsküdar’da müsâfiren sâkin olduğu handan târih-i i‘lâmdan on altı gün mukaddem iki re’s bargirlerini hancı yedine vaz‘ edip firâr eylediğini sikāt-ı Müslimîn haber vermeleriyle medîne-i mezbûrede emîn-i beytü’l-mâl olan Ali kullarına teslîm ve hâlâ müddet-i örfiyesi tamam olmamağla füruht olmamışdır, sahib-i arzuhâl firâr eden Berber Mustafa’dır deyü iddi‘â eder, mezbûr hâlâ firârda olmağla mürâfa‘a-i şer‘-i şerîf mümkün olmadığı bi’l-iltimâs huzûr-ı âlîlerine i‘lâm olundu. Fî 3 Cumâdelâhire sene 1155