Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 208 Hüküm no: 357 Orijinal metin no: [59a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Üsküdar Valide mahallesinde Osman’dan boşanan ve eşini zehirleyen Ayşe’nin cezalandırılması Ma‘rûz, Üsküdar’da Vâlide mahallesinde sâkine Âişe zevci el-Hâc Osman zimmetinde olan iki yüz kırk akçe mehr-i müeccelini ahz u kabz eyledikden sonra nafaka-i iddeti üzerine ve me’ûnet-i süknâsı dahi kendi üzerine olmak üzere mezbûr el-Hâc Osman ile muhâla‘a eylediği tescîl olundukdan sonra mezbûr el-Hâc Osman merkūme Âişe bundan akdem sıçanotu ile sülümeni? suya katıp ben dahi bilmemekle içtiğim ânda semmini? te’sîr eyleyip hâlâ sahib-i firâş olmuşdur, mûceb-i şer‘îsini taleb ve da‘vâ, ol dahi inkâr edicek, talebiyle mezbûreye yemîn teklîf olundukda nükûl eylediğinden mâ‘adâ mezbûr el-Hâc Osman’ın takrîri üzere olduğunu dahi ikrâr etmeğin mezbûre Âişe’ye şer‘an ta‘zîr lâzım geldiği bi’l-iltimâs huzûr-ı âlîlerine i‘lâm olundu. Fî 3 Cumâdelâhire sene 1155