Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 212 Hüküm no: 365 Orijinal metin no: [60a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Nehabet’in borcunu taksitle ödeme konusunda alacaklıları ile anlaştığı Ma‘rûz, Sahib-i arzuhâl Nehabet zimmî isimleri âtî dâyinleriyle mürâfa‘a-i şer‘-i şerîf olduklarında mesfûr Nehabet’in cihet-i deyn-i şer‘îden Hasan nâm kimesneye yirmi sekiz guruş ve İrmir’e on beş buçuk guruş ve Vartan’a on dört guruş ve Borbag? ve Harsum’a on üç buçuk guruş ve Avanis’e on sekiz buçuk guruş ve Sahak zimmîye yirmi beş guruş deyni olduğu ikrârıyla sâbit olup lâkin mesfûr Nehabet mu‘dim ve mu‘sir olmağla düyûnunu def‘aten edâya iktidârı olmadığını ve taksît ile edâ edicek oldukda kâr u kisbinden tedâriki ile düyûnunun her bir guruşuna ayda ancak birer para verebilir deyü mertebe-i kudretini sikāt-ı Müslimîn haber verdiklerinden sonra mezbûrûnun her biri rızâlarıyla târih-i i‘lâmdan beher şehr tamamında bir guruş için birer para hesâbı üzere evvel ve âhiri ma‘lûm ve mazbût taksît-i sahîh ile taksît eyledikleri tescîl olunduğun huzûr-ı âlîlerine i‘lâm [olundu]. Fî 4 Cumâdelâhire sene 1155