Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 212 Hüküm no: 366 Orijinal metin no: [60b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İstanbul’da oturan Duhanî Ali’ye olan borcunu Mehmed’in ödemesi Ma‘rûz, İstanbul’da sâkin Duhânî Ali hasmı es-Seyyid Mehmed muvâcehesinde işbu yedimde olan deyn temessüğü mûcebince bin yüz elli üç senesi Rebi‘ülevveli gurresinde mezbûr es-Seyyid Mehmed yedimden iştirâ ve kabz eylediği vakıyye ve mikdârı beynimizde ma‘lûm duhan bahâsı olan otuz yedi guruşun iki guruşunu bana teslîm bâkī otuz beş guruşu yedinde kalmağla taleb ederim deyü da‘vâ ettikde mezbûr es-Seyyid Mehmed dahi ikrâr etmeğin ikrârı mûcebince meblağ-ı merkūm otuz beş guruşu mezbûr Ali’ye edâ ve teslîme mezbûr es-Seyyid Mehmed’e tenbîh-i şer‘î olunduğu bi’l-iltimâs huzûr-ı âlîlerine i‘lâm olundu. Fî 10 Cumâdelâhire sene 1155