Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 216 Hüküm no: 373 Orijinal metin no: [61b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hatice’nin kendisinden haber alınamayan Süleyman ile evli olmadığı için talebinin reddi Ma‘rûz-ı dâ‘î-i devletleridir ki, Sahibe-i arzuhâl Hatice derûn-ı arzuhâlde mastûrü’l-ism Mehmed ile mürâfa‘a-i şer‘-i şerîf olduklarında mezbûre Hatice zevcim gāib ani’l-beled Süleyman nâm kimesne târih-i i‘lâmdan dört ay mukaddem diyâr-ı âhara gider oldukda nafakam için bana ancak yirmi guruş bırakıp bu âna değin vefâ etmemekle zevcim gāib-i mezbûrun merkūm Mehmed yedinden emânet akçesi ve esvâba müte‘allika eşyâsı olmağla mezbûr Mehmed’den nafakamı taleb ederim deyü iddi‘â ve mezbûr Mehmed dahi gāib-i mezbûrun emânet mâlı olduğunu ve mezbûre Hatice’nin gāib-i merkūm ile beynlerinde akd ve nikâh kāim değildir deyü zevciyetini inkâr edicek, bu sûretde mezbûre Hatice merkūm Mehmed ile şer‘an muhâsamaya kādire olmamağla bî-vech mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 10 Cumâdelâhire sene 1155.