Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 219 Hüküm no: 378 Orijinal metin no: [62a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sâliha’nın alacağı konusunda Mehmed’in vârisleri ile anlaştığı Ma‘rûz, Zâtı vech-i şer‘î üzere mu‘arrefe olan sahibe-i arzuhâl Sâliha arzuhâlde ismi mastûr mukaddemâ vefât eden el-Hâc Mehmed’in verâseti zevcesi Âmine ile oğlu Ömer’e ve kızları Âişe ve Hatice’ye munhasıra olduğu müte‘ayyen oldukdan sonra kendi tarafından asîl ve mezbûrât taraflarından vekîl-i sâbitü’l-vekâleleri mezbûr Ömer ile arzuhâlde münderic olan menzili müteveffâ-yı mezbûra hayatında yüz elli guruşa bey‘ ve yüz guruşunu ahz, bâkī kalan elli guruş ile menzil-i mezbûra ihdâs eylediği ebniyeye mutasarrıf olmak üzere iddi‘â eylediği elli guruş ki cem‘an yüz guruş da‘vâsından vesâtet-i Müslimîn ile an-inkârin otuz guruş üzerine sulh ve bedel-i sulh-ı merkūmu ahz u kabz edip ziyâdeye ve menzil-i mezbûra ve gabn ve tağrîre ve gayra müte‘allika âmme-i da‘vâdan müvekilât-ı mezbûrâtın ve mezbûr Ömer’in zimmetlerini ibrâ ve ıskāt eylediği tarafeynin rızâlarıyla Üsküdar Mahkemesi’nde tescîl olunup bu vechile kat‘-ı münâza‘a eyledikleri mübâşir Süleyman Çavuş kulları iltimâsıyla huzûr-ı âlîlerine i‘lâm olundu. Fî 15 Cumâdelâhire sene 1155