Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 220 Hüküm no: 382 Orijinal metin no: [62b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ömer’in rızasıyla Gözlemecioğlu Süleyman’la ilgili davadan vaz geçtiği Ma‘rûz, Sahib-i arzuhâl Ömer hasmı Gözlemecioğlu Süleyman ile mürâfa‘a-i şer‘-i şerîf olduklarında mezbûr Süleyman târih-i i‘lâmdan on bir gün mukaddem benim menzilimin derûnuna duhûl edip ve ehlim işbu hâzıra bi’l-meclis Âişe dahi havfından nâşi vaz‘-ı haml eyledi deyü da‘vâ, ol dahi inkâr eyledikde mezbûr Süleyman ancak müdde‘î-i merkūm Ömer’i şer‘a da‘vet için menziline duhûl ve taşra çıkardığı şâhideyn ile sâbit ve mezbûr Süleyman’a ta‘zîr lâzım geldikden sonra merkūm Ömer bi’r-rızâ da‘vâsından fâriğ olup mezbûr Süleyman ile husûs-ı mezbûra müte‘allika da‘vâ ve husûmetim kalmamıştır dedikde tescîl olunduğu huzûr-ı âlîlerine i‘lâm olundu. Fî 16 Cumâdelâhire sene 1155