Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 223 Hüküm no: 386 Orijinal metin no: [63b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed’in Üsküdar Gerede mahallesinde oturan Hasan’ı bıçakla yaraladığı Ma‘rûz Üsküdar’da Gerede mahallesinde sâkin es-Seyyid Hasan b. Abdullah b. Abdülmennan tarafından vekîl-i sâbitü’l-vekâlesi Mehmed b. Abdülbaki müvekkil-i mezbûrun hasmı Mehmed muvâcehesinde mezbûr Mehmed târih-i i‘lâmdan bir gün mukaddem vakt-i duhâda Üsküdar’da Balaban iskelesi kurbünde çörekçi fırını önünde müvekkilim merkūmu bi-gayr-ı hakkın amden arkasının iki küreği arasından siyah kabzalı bıçak ile darb [ve] cerh etmekle mûceb-i şer‘îsini bi’l-vekâle taleb ederim deyü ba‘de’d-da‘vâ ve’l-inkâr müdde‘î vekîl-i mezbûr müdde‘âsını lede’t-tezkiye adâletleri zâhir Mehmed Paşa mahallesinden Salih b. Ömer ve Selâmi mahallesinden Mustafa b. İbrahim nâm kimesneler şehâdetleriyle vech-i şer‘î üzere isbât etmeğin cerâhâtde nazar hâle olmayıp me’âle olmağla mûceb-i şer‘îsi cerh-i mezkûrun ber’ine tevkīf olunduğu bi’l-iltimâs huzûr-ı âlîlerine i‘lâm olundu. Fî 16 Cumâdelâhire sene 1155