Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 228 Hüküm no: 399 Orijinal metin no: [65a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Soğancıbaşı Hanı’nda kalan İsmail’in Süleyman hakkında açtığı davanın meşru olmadığı Ma‘rûz, İstanbul’da Soğancıbaşı Hanı’nda sâkin İsmail Üsküdar’da meclis-i şer‘a ihzâr eylediği hasmı Süleyman ile ba‘de’l-mürâfa‘a târih-i i‘lâmdan üç ay mukaddem işbu mu‘âyene olunan al mintânımı hân-ı mezkûrda zenbil içinden zâyi‘ etmekle bi’l-istihkāk taleb ederim deyü da‘vâ ettikde mezbûr Süleyman cevâbında dokuz ay mukaddem çarşıda mezâddan dokuz guruşa iştirâ edip ve nimtân-ı mezkûr misliyâtdan olup cins-i vâhidin on dânesi içinden şâhidleri ifrâz etmeğe muhtâc olmağla müdde‘î-i mezbûrun da‘vâsı meşrû‘ olmadığı bi’l-iltimâs huzûr-ı âlîlerine i‘lâm olundu. Fî 19 Cumâdelâhire sene 1155