Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 228 Hüküm no: 398 Orijinal metin no: [64b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kuzguncuk köyünde vefat eden Sabatay’nın cesedinde yara izine rastlanmadığı Ma‘rûz, Sâdır olan fermân-ı âlîlerine imtisâlen taraf-ı şer‘den irsâl olunan Mehmed Efendi dâ‘îleri izzetlü bostancıbaşı ağa tarafından ta‘yîn olunan Süleyman Haseki ile derûn-ı arzuhâlde mezkûr Kuzguncuk karyesi sükkânından Sabatay nâm Yahûdî târih-i i‘lâmdan bir gün mukaddem Kurşunlu Mahzen önünde ba‘de’l-asr bi-kazâillâhi te‘âlâ kayık ile deryâya gark olup ba‘dehû hayyen menziline gelip hâlik olmağla mesfûrun a‘zâsına nazar eylediklerinde kat‘â eser-i cerh olmadığını ba‘de’l-mu‘âyene ümenâ-i şer‘le meclis-i şer‘a gelip inhâ eyledikleri mübâşir-i merkūm kulları iltimâsıyla huzûr-ı dâ‘îlerine i‘lâm olundu. Fî 27 Cumâdelâhire sene 1155