Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 236 Hüküm no: 414 Orijinal metin no: [67a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Üsküdar’da oturan Ahmet’in Numan’a olan borcunu ödemesi Ma‘rûz, İstanbul’da sâkin penbeci tâifesinden Numan hasmı olan Üsküdar’da sâkin Ahmed ile mürâfa‘a-i şer‘-i şerîf olduklarında mezbûr Numan târih-i i‘lâmdan altı ay mukaddem mezbûr Ahmed’e bey‘ ve teslîm eylediği vakıyye ve mikdârı beynlerinde ma‘lûm penbe semeninden ba‘de külli’l-hesâb zimmetinde kırk yedi buçuk guruş hakkı olduğu mezbûr Ahmed’in ikrârıyla sâbit olmağın ikrârı mûcebince meblağ-ı merkūmu müdde‘î-i mezbûr Numan’a edâ ve teslîme mezbûr Ahmed’e tenbîh-i şer‘î olunduğu bi’l-iltimâs huzûr-ı âlîlerine i‘lâm olundu. Fî 7 Recebi’l-ferd sene 1155