Üsküdar Mahkemesi 403 Numaralı Sicil (H. 1154-1155 / M. 1740-1742) cilt: 70, sayfa: 237 Hüküm no: 416 Orijinal metin no: [67b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Karamürsel’e bağlı Halıdere köyündeki İbrahim Efendi Camii’nin tamir edilmesi Ma‘rûz, Taht-ı nezâret-i dâ‘îlerinde olan evkāfdan derûn-ı arzuhâlde mezkûr Karamürsel nâhiyesine tâbi‘ Halıdere nâm karyede vâki‘ İbrahim Efendi Câmi‘i’nin ta‘mîr buyurulması ahâlînin mültemesleri olmağla mefhûm-ı arzın hakīkati nâhiye-i mezbûre ahâlîsinden bu tarafda mevcûd olup vukūfu olan kimesnelerden tefahhus olundukda câmi‘-i mezbûrun imâm ve müezzinine nemâsı meşrûta ancak yirmi bin akçe asl-ı mâlı olup âhar vakfı ve ta‘mîr için mevkūfe mâlı olmayıp harâb ve ta‘mîre muhtâc olduğunu haber vermeleriyle ta‘mîr ve termîm murâd ve müsâ‘ade-i aliyyeleri buyurulur ise mikdâr-ı masrûfu keşif ve tahmîn için Karamürsel nâibi dâ‘îlerine hitâben fermân-ı âlîlerine muhtâcdır. Fî 13 Recebi’l-ferd sene 1155