Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 124 Hüküm no: 3 Orijinal metin no: [1b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hanımı Ayşe bt. Ahmed’i dövüp hakaret eden kocası Kahveci Ali b. Ahmed’in cezalandırılması Ma‘rûz Medîne-i Üsküdar’da Kādıasker mahallesinde sâkine ve zâtı mu‘arrefe Âişe bt. Ahmed nâm hatun medîne-i mezbûrede mahfil-i bâbda meclis-i şer‘-i hatîrde hâlâ zevci Kahveci Ali b. Ahmed mahzarında mezbûr Ali târih-i i‘lâm günü menzilimde bi-gayrı hakkın duhân çubuğu ile arkama ve başıma ve sâir a‘zâma darb ve şütûm-ı galîza ile şetm ve ırzımı hetk etmekle mûcibini taleb ederim deyü ba‘de’d-da‘vâ ve’l-istintâk ve’l-inkâr müdde‘iye-i mezbûre ber-vech-i muharrer müdde‘âsını beyâna kādire olmayıp bi’t-taleb mezbûr Ali’ye yemîn teklif olundukda yemînden nükûl etmeğin mûcebiyle mezbûr Ali’ye şer‘an ta‘zîr lâzım geldiği bi’l-iltimâs huzûr-ı âlîlerine i‘lâm olundu. Fî 2 min-Ca sene 1204