Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 125 Hüküm no: 5 Orijinal metin no: [2a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ömer b. Ali’nin, Hüdayi Efendi Vakfı’na ait mutasarrıf olduğu evi sattıktan sonra satıştan vazgeçtiği ve bedelini iadesi Ma‘rûz Medîne-i Üsküdar’a tâbi‘ Bulgurlu karyesinde sâkin İbrahim b. Mustafa mahfil-i bâbda meclis-i şer‘-i hatîrde Ömer b. Ali mahzarında mezbûr Ömer târih-i i‘lâmdan dört sene mukaddem karye-i mezbûrede vâki‘ merhûm Hüdâî Efendi Vakfı musakkafâtından mutasarrıf olduğu ma‘lûmü’l-hudûd ve’l-müştemilât bir bâb vakıf menzilini bana ferâğa va‘d edip ben dahi menzil-i mezkûrun bedel-i ferâğına mahsûben mezbûr Ömer’e yüz beş guruş def‘ ü teslîm etmiş idim lâkin mezbûr Ömer menzil-i mezkûru bana ferâğdan imtinâ‘ etmekle ben dahi medfû‘um olan meblağ-ı merkūm yüz beş guruşu mezbûr Ömer’den istirdâd ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı merkūm yüz beş guruşun edâsıyla mezbûr Ömer şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 2 min-Ca sene 1204