Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 129 Hüküm no: 14 Orijinal metin no: [2b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Boşandığı hanımı Ümmügülsüm’ü döven Mehmed b. Ahmed’in cezalandırılması Ma‘rûz Medîne-i Üsküdar’da Kefçe mahallesinde sâkine mu‘arrefetü’z-zât Ümmügülsüm bt. Musa nâm hatun meclis-i şer‘-i hatîrde zevc-i sâbıkı Mehmed b. Ahmed nâm kimesne mahzarında bundan akdem mezbûr Mehmed bi-gayrı hakkın yumruk ile başıma ve depme ile arkama ve sâir a‘zâma darb ve ırzımı hetk etmekle mûcib-i şer‘îsini taleb ederim deyü ba‘de’d-da‘vâ ve’l-istintâk ve’l-inkâr müdde‘iye-i mezbûre ber-vech-i muharrer müdde‘âsını beyândan ızhâr-ı acz birle mezbûr Mehmed’e yemîn teklif olundukda yemînden nükûl etmeğin mûcebiyle mezbûr Mehmed’e şer‘an ta‘zîr lâzım geldiği bi’l-iltimâs huzûr-ı âlîlerine i‘lâm olundu. Fî 14 min-Ca sene 1204