Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 131 Hüküm no: 17 Orijinal metin no: [2b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Uygunsuz ve ahlaksız davranışlarda bulunan Zeliha bt. Abdullah’ın mahalleden ihraç edilmesi Ma‘rûz Medîne-i Üsküdar’da Vâlide-i Atik mahallesi ahâlisinden İmâm İbrahim Efendi b. Mustafa ve es-Seyyid İsmail Efendi b. İmâm es-Seyyid İbrahim Efendi ve Müezzin Hafız Mehmed Efendi b. Hüseyin ve Ahmed b. Mehmed ve Mehmed Emin b. Halil ve Feyzullah b. İbrahim ve Molla Mustafa b. Abdullah ve el-Hâc Ömer b. Mustafa ve es-Seyyid Mustafa b. Ömer ve Molla Süleyman b. Hüseyin nâm kimesneler medîne-i mezbûrede mahfil-i bâbda meclis-i şer‘-i hatîrde mahalle-i mezbûrede sâkine mu‘arrefetü’z-zât Zeliha bt. Abdullah nâm hatun mahzarında mezbûre Zeliha kendi hâlinde ırzıyla mukayyede olmayıp dil-âzâr ve hadîdetü’l-lisân olmağla dâimâ bize şütûm-ı galîza ile şetm ve ırzımızı hetk etmekle mezbûre Zeliha’ya bi’d-defa‘ât nush ü pend eylediğimizde mütenassıha olmayıp ef‘âl-i kabîhasında ısrâr ve mezbûre Zeliha’dan bi’l-külliye emn ü rahatımız meslûb olmuşdur deyü sû’-i hâlini muvâcehesinde herbiri ihbâr ve mezbûre Zeliha mahalle-i mezbûreden ihrâc olunmak bâbında fermân-ı âlîleri sudûrunu herbiri istid‘â ve istirhâm eyledikleri bi’l-iltimâs huzûr-ı âlîlerine i‘lâm olundu. Fî 17 min-Ca sene 1204