Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 132 Hüküm no: 19 Orijinal metin no: [3a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bahçıvan Süleyman’ın Meyhaneci Avanis’e emanet bıraktığı piştov davasında sulh olduğu Ma‘rûz Medîne-i Üsküdar’da Çavuşderesi nâm mahâlde Bağçevân Süleyman b. İbrahim medîne-i mezbûrede mahfil-i bâbda meclis-i şer‘-i hatîrde Meygedeci Avanis v. Agop muvâcehesinde merkūm Avanis zimmî târih-i i‘lâmdan bir ay mukaddem medîne-i mezbûrede Selami mahallesinde vâki‘ meygedesinde bi-tarîki’l-emâne elli guruş kıymetli bir tek sîmli piştovumu yedine teslîm etmemle taleb ederim deyü eylediği da‘vâsından otuz guruş bedel-i makbûz mukābelesinde merkūm Avanis zimmî ile sulh olup ziyâde kıymeti olan yirmi iki guruşa müte‘allika âmme-i de‘âvîden merkūm Avanis zimmînin zimmetini ba‘de’l-ibrâ ve’l-kabûl kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 20 min-Cumâdelûlâ sene 1204