Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 132 Hüküm no: 20 Orijinal metin no: [3a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Halil b. Mehmed’in dört ay dükkânında hizmet ettiği Düğmeci Mustafa’daki alacağının ödenmesi için yapılan tenbih Ma‘rûz Medîne-i Üsküdar’da Arakıyeci el-Hâc Mehmed mahallesinde sâkin Halil b. Mehmed mahfil-i bâbda meclis-i şer‘-i hatîrde Düğmeci Mustafa b. Ömer muvâcehesinde târih-i i‘lâmdan iki ay mukaddem mezbûr Mustafa’nın dükkânından kendiye beher hafta beşer guruş ücret kavliyle dört hafta düğmecilik san‘atında halîfelik etmemle mârrü’z-zikr dört haftada ücret-i mezkûreden zimmetinde müctemi‘a olan yirmi guruş hakkımı mezbûr Mustafa’dan taleb ederim deyü da‘vâ ol dahi cevâbında fi’l-hakīka müdde‘î-i mezbûra ücret-i merkūmeden ol-mikdâr meblağ deyni olduğunu ikrâr lâkin tamamen yedine teslîm etmiş idim deyü ba‘de’d-def‘ ve’l-inkâr dâfi‘-i merkūm Mustafa ber-vech-i muharrer def‘ini beyândan ızhâr-ı acz edip talebiyle mezbûr Halil gıbbe’t-tahlîfi’ş-şer‘î mûcebiyle meblağ-ı merkūm yirmi guruşu müdde‘î-i mezbûra edâ ve teslîme mezbûr Mustafa’ya şer‘an tenbîh olunduğu ba‘de’t-tescîl bi’l-iltimâs huzûr-ı âlîlerine i‘lâm olundu. Fî 8 min-Ca sene 1204