Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 136 Hüküm no: 30 Orijinal metin no: [3b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hafize bt. İsmail’in, kendisini dövdüğü iddiasıyla eski kocası aleyhine açtığı davayı ispat edemediği Ma‘rûz Medîne-i Üsküdar’da Debbâğlar mahallesinde sâkine ve zâtı mu‘arrefe Hafize bt. İsmail nâm hatun medîne-i mezbûrede mahfil-i bâbda meclis-i şer‘-i hatîrde zevc-i sâbıkı es-Seyyid Ali b. Ali mahzarında mezbûr es-Seyyid Ali târih-i i‘lâmdan bir gün mukaddem medîne-i mezbûrede Atpazarı nâm mahâlde beni bi-gayrı hakkın arkama yumruk ile darb ve üzerime hücûm etmekle mûcib-i şer‘îsini taleb ederim deyü ba‘de’d-da‘vâ ve’l-istintâk ve’l-inkâr müdde‘iye-i mezbûre ber-vech-i muharrer müdde‘âsını isbâta kādire olamayıp bi’t-taleb mezbûr es-Seyyid Ali gıbbe’t-tahlîfi’ş-şer‘î mûcebiyle müdde‘iye-i mezbûre Hafize Hatun husûs-ı mezkûrda mezbûr es-Seyyid Ali’ye bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 20 min-Ca sene 1204