Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 137 Hüküm no: 31 Orijinal metin no: [3b-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Avanis v. Artin’in borcunu ödemesi için yapılan tenbih Ma‘rûz Medîne-i Üsküdar’da Yenimahalle’de mütemekkine ve şahsı mu‘arrefe Nikogore bt. Mıgırdıç nâm Nasrâniye meclis-i şer‘-i hatîrde Avanis v. Artin nâm zimmî muvâcehesinde merkūm Avanis zimmî târih-i i‘lâmdan altı sene mukaddem işbu yedimde olan bir kıt‘a zimmî temessüğü nâtık olduğu üzere yedimden bi-tarîki’l-karz istidâne ve kabz eylediği iki yüz guruş hakkımın yüz beş guruşunu bi’d-defa‘ât yedinden ahz ve istifâ ve yetmiş beş guruşu zimmetinde bâkī kalmağla taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı bâkī-i merkūm yetmiş beş guruşu müdde‘iye-i mezbûreye edâsıyla merkūm Avanis zimmî şer‘an ilzâm olunduğu medîne-i mezbûre bâb mahkemesinde ba‘de’t-tescîl bi’l-iltimâs huzûr-ı âlîlerine i‘lâm olundu. Fî 12 min-Cumâdelûlâ sene 1204