Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 144 Hüküm no: 47 Orijinal metin no: [5a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Todori v. Mihal’in Anton v. Yorgi’de kalan alacağının ödenmesi için Anton’a tenbihte bulunulduğu Ma‘rûz Medîne-i Üsküdar’a tâbi‘ Kandilli karyesi mütemekkinlerinden Todori v. Mihal nâm zimmî medîne-i mezbûrede mahfil-i bâbda meclis-i şer‘-i hatîrde Anton v. Yorgi nâm zimmî muvâcehesinde merkūm Anton zimmî bundan akdem yedimden istikrâz ve kabz ve umûruna sarfla istihlâk eylediği yüz guruş hakkımın yirmi yedi guruşunu yedinden ahz ü istifâ ve yetmiş üç guruşu zimmetinde bâkī kalmağla taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı bâkī-i merkūm yetmiş üç guruşun edâsıyla merkūm Anton zimmî şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 7 min-C sene 1204