Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 158 Hüküm no: 71 Orijinal metin no: [7b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Enserci Serkiz’in dükkânındaki eşyaları çalan Ankaralı Ali’nin eşyaları iade ettiği Ma‘rûz Medîne-i Üsküdar’da Süleymanağa mahallesinde Demirciler sokağı nâm mahâlde Enserci Serkiz v. Evanis nâm zimmî medîne-i mezbûrede mahfil-i bâbda meclis-i şer‘-i hatîrde medîne-i mezbûrede Kefçe mahallesi sükkânından Ankaralı Ali b. Mustafa nâm kimesne mahzarında mezbûr Ali târih-i i‘lâm gecesi mahâll-i mezkûrda vâki‘ enserci dükkânıma duhûl ve derûn-ı dükkânda mevcûd mâlımdan kıymetleri yüz elli altı paraya bâliğ işbu yedinde olan bir demir kazma ve bir köhne kantar ve sekiz aded dirhem ve sekiz vakıyye enserimi ahz ve sirka etmekle taleb ederim deyü ba‘de’d-da‘vâ ve’l-istintâk ve’l-ikrâr mûcebiyle mezbûr Ali eşyâ-i mezkûreyi müdde‘î-i merkūm Serkiz zimmîye teslîm eylediği ba‘de’t-tescîl bi’l-iltimâs huzûr-ı âlîlerine i‘lâm olundu. Fî 29 min-C sene 1204