Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 160 Hüküm no: 75 Orijinal metin no: [7b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed b. Mustafa’nın, Hüseyin b. Mehmed’e açtığı alacak davasında sulh oldukları Ma‘rûz Mahrûse-i Galata’da Balıkpazarı’nda sâkin Ahmed b. Mustafa’nın karındaşı ve tarafından ber-vech-i âtî sulh ve ibrâya vekîl olduğu Süleyman b. İbrahim ve Abdullah b. Ömer nâm kimesneler şehâdetleriyle sâbit olan Mustafa nâm kimesne medîne-i Üsküdar’da mahfil-i bâbda meclis-i şer‘-i hatîrde Hüseyin b. Mehmed mahzarında mezbûr Hüseyin târih-i i‘lâmdan doksan yedi gün mukaddem bâ-temessük karındaşım müvekkil-i mezbûr yedinden istikrâz ve kabz ve umûruna sarfla istihlâk eylediği otuz guruş hakkını bi’l-vekâle taleb ederim deyü eylediği da‘vâsından bâ-tavassut-ı muslihîn on üç guruş bedel-i makbûz mukābelesinde mezbûr Hüseyin ile bi’l-vekâle sulh olup ziyâde on yedi guruşa müte‘allika da‘vâdan mezbûr Hüseyin’in zimmetini bi’l-vekâle ba‘de’l-ibrâ ve’l-kabûl kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 26 min-C sene 1204