Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 163 Hüküm no: 81 Orijinal metin no: [8a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa Beşe’ye küfür ve hakaret eden Seyyid İsmail’in cezalandırılması Ma‘rûz Medîne-i Üsküdar’da Balaban İskelesi kurbünde sâkin Mustafa Beşe b. Ahmed medîne-i mezbûrede mahfil-i bâbda meclis-i şer‘-i hatîrde es-Seyyid İsmail b. es-Seyyid İbrahim mahzarında mezbûr es-Seyyid İsmail târih-i i‘lâm günü bana bi’l-muvâcehe bi-gayrı hakkın mûcib-i ta‘zîr olan elfâz-ı kabîha ile şetm ve ırzımı hetk etmekle mûcib-i şer‘îsini taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını diğer Mustafa b. Mustafa ve Molla Ali b. Ahmed nâm kimesneler şehâdetleriyle ber-nehc-i şer‘î muvâcehesinde isbât etmeğin mûcebiyle mezbûr es-Seyyid İsmail’e şer‘an ta‘zîr lâzım geldiği bi’l-iltimâs huzûr-ı âlîlerine i‘lâm olundu. Fî 4 min-C sene 1204