Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 163 Hüküm no: 80 Orijinal metin no: [8a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Ağa b. Hüseyin’in Alemdar Seyyid Mustafa’daki alacağının ödenmesi Ma‘rûz Medîne-i Üsküdar’da İhsaniye mahallesinde sâkin Mehmed Ağa b. Hüseyin medîne-i mezbûrede mahfil-i bâbda meclis-i şer‘-i hatîrde Alemdâr es-Seyyid Mustafa b. Hasan mahzarında işbu bin iki yüz dört senesi şehr-i Rebî‘ülâhir’in onuncu günü târihiyle müverrah yedimde olan işbu bir kıt‘a deyn temessüğü nâtık olduğu üzere mezbûr es-Seyyid Mustafa yedimden istikrâz ve kabz ve umûruna sarfla istihlâk eylediği altmış bir guruş zimmetinde hakkım olmağla taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı merkūm altmış bir guruşun müdde‘î-i mezbûra edâsıyla mezbûr es-Seyyid Mustafa şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 23 min-C sene 1204