Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 164 Hüküm no: 83 Orijinal metin no: [8b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bakkal Bali’nin, Francalacı Yorgi’de un bedelinden kalan alacağının ödenmesi Ma‘rûz Medîne-i Üsküdar’da Köprübaşı nâm mahâlde mütemekkin Bakkāl Bali v. Yani nâm zimmî medîne-i mezbûrede mahfil-i bâbda meclis-i şer‘-i hatîrde Francalacı Yorgi v. Nikola muvâcehesinde merkūm Yorgi zimmî târih-i i‘lâmdan yedi ay mukaddem yedimden [ahz] ü kabz eylediği kıyye ve fiyâtı beynimizde ma‘lûm dakīk-ı hâs semeninden ba‘de külli’l-hesâb doksan beş guruş zimmetinde hakkım olup beş guruşunu ahz ü kabz ve yirmi beş guruşu dahi bi’r-rızâ hatt ü tenzîl edip bâkī altmış beş guruş zimmetinde hakkım kalmağla taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı bâkī-i merkūm altmış beş guruşun müdde‘î-i merkūma edâsıyla merkūm Yorgi zimmî şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 3 min-Receb sene 1204