Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 179 Hüküm no: 105 Orijinal metin no: [11a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Eskici Serkiz’in alacağı olduğu Seyyid Şeyh Safi Efendi’ye borcunu ödemesi için yirmi gün mühlet verdiği Ma‘rûz Medîne-i Üsküdar’da Davudpaşa mahallesinde Eskici Serkiz v. Karabet nâm zimmî medîne-i mezbûrede mahfil-i bâbda meclis-i şer‘-i hatîrde es-Seyyid eş-Şeyh Safi Efendi b. eş-Şeyh Mehmed Efendi mahzarında mezbûr es-Seyyid Safi Efendi yedimden iştirâ ve kabz eylediği mest ve papuç ve cedik ve papuç semenlerinden zimmetinde on iki buçuk guruş hakkım olup lâkin meblağ-ı mezbûru hâlen edâya kudreti olmayıp istimhâl eyledikde ben dahi meblağ-ı merkūmu târih-i i‘lâmdan yirmi gün tamamında bana edâ etmek üzere bi’r-rızâ imhâl eyledim dedikde ol dahi deyn-i mezkûru ikrâr ve imhâl-i merkūmu kabûl ve meblağ-ı mezbûr on iki buçuk guruşu ber-vech-i muharrer müddet-i mezkûre tamamında müdde‘î-i mezbûra edâ ve teslîme ta‘ahhüd eylediği bi’l-iltimâs huzûr-ı âlîlerine i‘lâm olundu. Fî 10 min-B sene 1204