Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 178 Hüküm no: 104 Orijinal metin no: [10b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Nefise Hatun’un Seyyid Mehmed’e açtığı alacak davasını ispat edemediği Ma‘rûz Mahmiye-i İslâmbol’da Ketenciler kurbünde sâkine mu‘arrefetü’z-zât Nefise bt. Abdullah nâm hatun medîne-i Üsküdar’da mahfil-i bâbda meclis-i şer‘-i hatîrde es-Seyyid Mehmed b. Abdullah nâm kimesne muvâcehesinde bundan akdem mezbûr es-Seyyid Mehmed ile gāib ani’l-meclis diğer Mehmed nâm kimesne bi’l-münâsafa yedimden bi-tarîki’l-karz istidâne ve kabz eyledikleri yüz elli guruş hakkımın yetmiş beş guruşunu gāib-i mezbûrun deyni için ve kırk bir guruşunu mezbûr es-Seyyid Mehmed’in deyni için ki cem‘an yüz otuz altı guruşunu gāib-i mezbûr yedinden ahz ü kabz edip bâkī otuz dört guruş hakkım mezbûr es-Seyyid Mehmed zimmetinde kalmağla hâlâ taleb ederim deyü ba‘de’d-da‘vâ ve’l-istintâk ve’l-inkâr müdde‘iye-i mezbûre Nefise Hatun ber-vech-i muharrer müdde‘âsını isbâtdan ızhâr-ı acz edip talebiyle mezbûr es-Seyyid Mehmed gıbbe’t-tahlîfi’ş-şer‘î mûcebiyle müdde‘iye-i mezbûre Nefise Hatun da‘vâ-yı mezkûresiyle mezbûr es-Seyyid Mehmed’e bilâ-beyyine mu‘ârazadan men‘ olunduğu ba‘de’t-tescîl bi’l-iltimâs huzûr-ı âlîlerine i‘lâm olundu. Fî 23 min-B sene 1204