Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 182 Hüküm no: 113 Orijinal metin no: [11b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Saliha bt. Abdullah’dan emanet olarak bir kürk almış olan Hacı Abdurrahman b. Yusuf’un kürkü iade etmesi Ma‘rûz Medîne-i Üsküdar’da Mirâhor mahallesinde sâkine ve zâtı mu‘arrefe Saliha bt. Abdullah nâm hatun medîne-i mezbûrede mahfil-i bâbda meclis-i şer‘-i hatîrde el-Hâc Abdurrahman b. Yusuf mahzarında mezbûr el-Hâc Abdurrahman yedine târih-i i‘lâmdan bir gün mukaddem emlâkimden bi-tarîki’l-emâne vaz‘ ve teslîm eylediğim bir karsak kürkümü hâlâ taleb ederim deyü da‘vâ mezbûr el-Hâc Abdurrahman cevâbında müdde‘iye-i mezbûreden zikr olunan kürkü ahzını ikrâr lâkin zikr olunan kürkü karındaşım gāib ani’l-meclis Osman nâm kimesneye ver deyü emr etmekle ben dahi karındaşıma teslîm etmiş idim deyü ba‘de’d-def‘ ve’l-inkâr mezbûr el-Hâc Abdurrahman def‘-i mezkûrunu isbâtdan ızhâr-ı acz edip tahlîfe dahi tâlib olmamağla alâ-mûcebi ikrârihî zikr olunan kürkü müdde‘iye-i mezbûreye teslîme mezbûr el-Hâc Abdurrahman’a tenbîh olunduğu bi’l-iltimâs huzûr-ı âlîlerine i‘lâm olundu. Fî 28 min-Receb sene 1204