Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 182 Hüküm no: 112 Orijinal metin no: [11a-8] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zeliha bt. Mustafa’nın kendisine hakaret ve küfrettiği iddiasıyla damadı Bostancı Mehmed’e açtığı davadan vazgeçtiği Ma‘rûz Medîne-i Üsküdar’a tâbi‘ Çenger karye[sinde] sâkine mu‘arrefetü’z-zât Zeliha bt. Mustafa nâm hatun medîne-i mezbûrede mahfil-i bâbda meclis-i şer‘-i hatîrde dâmâdı Bostanî Mehmed b. Hüseyin nâm kimesne mahzarında mezbûr Bostanî Mehmed târih-i i‘lâmdan bir gece mukaddem bana bi-gayrı hakkın mûcib-i ta‘zîr olur elfâz-ı kabîha ile şetm ve ırzımı hetk etmekle mûcib-i şer‘îsini taleb ederim deyü tasaddî eylediği da‘vâsından meccânen fâriğa olup husûs-ı mezkûra müte‘allika âmme-i da‘vâdan mezbûr Bostanî Mehmed’in zimmetini ba‘de’l-ibrâ ve’l-kabûl kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 25 min-Receb sene 1204