Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 196 Hüküm no: 141 Orijinal metin no: [13b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Sadık Efendi’ye borcu olan Osman b. Hasan’ın borcunu ödemesi Ma‘rûz Medîne-i Üsküdar’da Hacce Hatun mahallesinde sâkin Mehmed Sadık Efendi b. Hasan tarafından zikri âtî da‘vâya vekîl olduğu İbrahim b. Halil ve Hüseyin b. Hüseyin nâm kimesneler şehâdetleriyle sâbit olan Ömer b. Mehmed medîne-i mezbûrede mahfil-i bâbda meclis-i şer‘-i hatîrde Osman b. Hasan mahzarında müvekkilim mezbûr Mehmed Sadık Efendi’nin mezbûr Osman zimmetinde târih-i i‘lâmdan üç sene mukaddem cihet-i karzdan bâ-temessük otuz [bir] guruş hakkı olmağla bi’l-vekâle taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı merkūm otuz bir guruşun müdde‘î-i vekîl-i mezbûra edâsıyla mezbûr Osman şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî-selhi [Şa‘bân] sene 1204