Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 197 Hüküm no: 142 Orijinal metin no: [13b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid Ömer’e borcu olan Mustafa b. Mustafa’nın kabul ettiği borç miktarını ödemesi Ma‘rûz Medîne-i Üsküdar’da Büyük İskele kurbünde sâkin es-Seyyid Ömer b. Osman medîne-i mezbûrede mahfil-i bâbda meclis-i şer‘-i hatîrde Mustafa b. Mustafa mahzarında mezbûr Mustafa târih-i i‘lâmdan beş ay mukaddem yedimden istidâne ve kabz ve umûruna sarfla istihlâk eylediği cihet-i karzdan kırk guruş ve yine yedimden iştirâ ve kabz eylediği bir al kaput semeninden otuz guruş ki cem‘an yetmiş guruş zimmetinde hakkım olmağla taleb ederim deyü da‘vâ ol dahi cevâbında meblağ-ı merkūm kırk guruş ile zikr olunan kaputu ancak yirmi guruşa iştirâsını ikrâr ziyâde on guruşu bilâ-devr-i mahz ribâdır deyü mezbûr Mustafa eylediği def‘ini isbâta kādir olamayıp talebiyle mezbûr es-Seyyid Ömer’e yemîn teklif olundukda yemînden nükûlüyle sâbit olmağın mûcebiyle müdde‘î-i mezbûr ziyâde müdde‘âsıyla mezbûr Mustafa’ya bî-ve[ch] mu‘ârazadan ba‘de’l-men‘ mezbûr Mustafa mertebe-i ikrârı olan altmış guruşun müdde‘î-i mezbûra edâsıyla mezbûr Mustafa şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 21 min-Ş sene 1204