Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 205 Hüküm no: 156 Orijinal metin no: [14b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Karacaahmed’de Taşcı Hacı Hasan’a borcu olan Hacı İbrahim’in borcunu ödemesi Ma‘rûz Medîne-i Üsküdar’da Karacaahmed’de Taşçı Hacı Hasan b. Mahmud nâm kimesne medîne-i mezbûrede mahfil-i bâbda meclis-i şer‘-i hatîrde el-Hâc İbrahim b. el-Hâc Eyüb nâm kimesne mahzarında mezbûr el-Hâc İbrahim târih-i i‘lâmdan bir ay mukaddem yedimden istikrâz ve kabz eylediği seksen beş guruş ve yedimden iştirâ ve kabz eylediği mezar taşı bahâsından bâkī yirmi dört guruş ve kepçe ve ücret-i kepçe ve ücret-i nakliyesinden dahi altı guruş ki cem‘an yüz on dört guruş hakkım mezbûr el-Hâc İbrahim zimmetinde kalmağla taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı merkūm yüz on dört guruşu müdde‘iye-i [müdde‘î-i] mezbûra edâsıyla mezbûr el-Hâc İbrahim şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 5 min-N sene 1204