Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 205 Hüküm no: 157 Orijinal metin no: [15a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tatar Ağası Mustafa’ya borcu olan Hacı İbrahim’in borcunu ödemesi Ma‘rûz Mahrûse-i Galata’ya tâbi‘ Fındıklı kasabasında sâkin Tatar Ağası Mustafa b. İsmail nâm kimesne medîne-i Üsküdar’da mahfil-i bâbda meclis-i şer‘-i hatîrde el-Hâc İbrahim b. el-Hâc Eyüb nâm kimesne mahzarında mezbûr el-Hâc İbrahim târih-i i‘lâmdan dört gün mukaddem yedimden istikrâz ve kabz ve kendi umûruma [umûruna] sarfla istihlâk eylediği otuz guruş hakkım mezbûr el-Hâc İbrahim zimmetinde kalmağla hâlâ taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı merkūm otuz guruşu müdde‘î-i mezbûr Mustafa’ya edâsıyla mezbûr el-Hâc İbrahim şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 5 min-N sene 1204