Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 207 Hüküm no: 162 Orijinal metin no: [15a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Nâmahremi olarak birarada yakalananların cezalandırılmaları Ma‘rûz Medîne-i Üsküdar’da Mumhâne İskelesi kurbünde kayıkhânede târih-i i‘lâm günü icrâ-yı fısk için cem‘ oldukları hâlde medîne-i mezbûrede kolluk ma‘rifetiyle ahz ve meclis-i şer‘a ihzâr olunan Rahime bt. Mustafa nâm avrat ile kendiye nâ-mahrem ve ecnebî olan Ali b. Osman nâm kimesne istintâk olundukda mezbûrândan herbiri birbirilerine nâ-mahrem ve ecnebî olup bir mahâlde bulunduklarını ikrâr ve mezbûrândan herbirine şer‘an ta‘zîr lâzım geldiği bi’l-iltimâs huzûr-ı âlîlerine i‘lâm olundu. Fî 11 min-N sene 1204